O BLOG DE RED.ES PUBLICA UN VÍDEO DIVULGATIVO
Todo sobre o DNI electrónico en tres minutos
09/02/2009 -
O blog oficial de Red.es publicou un vídeo en YouTube onde explica, en tres minutos, as vantaxes do DNI electrónico, como se usa, canto custa e cales son as súas vantaxes con respecto ao documento tradicional.
Segundo se informa na bitácora, xa son máis de oito millóns de persoas as que posúen un documento electrónico de identidade no Estado Español. O 1 de decembro de 2008 deixouse de emitir o cartón tradicional e xa só se expiden os DNI dotados con chip.
Ademais do vídeo, Un blog en Red.es fornece unha ligazón cara á web oficial do DNI-e, á da solicitude de cita previa para a renovación do documento e unha guía básica en PDF.
O vídeo pódese ver nesta ligazón.
