Novos recursos en liña para os mestres de galego no exterior

O Goberno autonómico publicará na rede máis recursos educativos co fin de facilitar o traballo dos profesores de galego no exterior. A secretaría xeral de Política Linguística desenvolverá o seu portal en internet unha sección que sirva de "punto de encontro" para os máis de trinta lectores de galegos en universidades e centros de formación do exterior.

Política lingüística informa que este novo espacio, que está en construcción, servirá para "sistematizar a información que xeran os lectorados para darlle unha maior proxección ás actividades que desenvolven". En concreto, estase a elaborar unha serie de formularios que permitan sistematizar os datos e aplicar novas políticas de actuación.

Comisión de expertos

Tanto a canalización destes datos como a necesidade de proporcionarlles aos lectores un punto de encontro virtual foron asuntos tratados no seo da comisión de expertos creada hai uns meses para avaliar a situación dos lectores e propoñer melloras. Esta comisión está intregrada por persoal da Secretaría xeral e polos directores dos departamentos de galego das tres universidades do país.